Nagviral online ang usa ka lalaki nga naglutaw lutaw tunga sa dagat ug adunay bitbit nga sudlanan nga nakapahibulong sa mga turista atol sa ilang island hopping.
Ang maong lalaki nasayran nga usa ka padre de pamilya, kinsa naningkamot mamaligya ug ice cream sa mga turista nga anaa sa kadagatan aron lamang makakwarta.
Taliwala sa kainit sa panahon, mas gipili niini ang mamaligya kaysa walay buhaton. Gani, daghang mga turista ang nagtoo nga usa siya ka mananagat apan usa ka diay ka mamaligyaay ug ice cream.
Ang iyang trabaho nagpakita sa dakong sakripisyo sa usa ka amahan nga andam buhaton ang tanan alang sa iyang pamilya aron lamang mabuhi. Ang mga turista nalouy sa iyang kahimtang ug gipalit ang mga baligya niini isip pagtabang ug suporta na usab.
Daghan ang na-inspire sa gibuhat sa maong lalaki ug kini nagsimbolo sa walay utlanan nga gugma sa ginikanan alang sa iyang pamilya.
Photo Courtesy: Stockcake
