Mas gipakusgan sa Cateel Municipal Police Station ang pagpatuman sa Republic Act 4136 nga mas nailhan usab nga Land Transportation and Traffic Code of the Philippines didto sa National Highway sa Sitio Mahoc Brgy. San Antonio Cateel, Davao Oriental.
Ang operasyon gipangunahan ni PLT EDWIN S ROLLAN, DCOP, uban sa mga personahe nga gipahigayon niadtong Abril 28 ug 29, 2026.
Sa maong kalihokan miresulta sa pagkasikop sa duha ka traffic violators ug niisyuhan og citation ticket sa mga otoridad tungod sa kalapasan sa traffic regulations.
Ang maong inisyatiba, kabahin sa padayon nga pagpatuman sa mga paningkamot sa kapulisan aron masiguro ang kaluwasan sa kadalanan, disiplina sa mga motorista ug pagsunod sa mga balaod sa trapiko.
Photo Courtesy: Cateel MPS
