Nagpahibalo ang National Power Corporation (NAPOCOR) nga posibleng magpatuman og rotational brownout sa pipila ka lugar sa nasud. Sumala kang NAPOCOR President Jericho Nograles, maapektuhan niini ang mga lugar nga giserbisyuhan sa Small Power Utilities Group (SPUG).
Gipatin-aw nga ipatuman kini sa mga isolated areas o off-grid communities. Kini nga mga lugar nagsalig sa mga planta sa kuryente nga ginapaandar gamit ang krudo.
Matod ni Nograles, tungod sa limitado nga suplay ug dako nga pagsaka sa presyo sa krudo, naglisod ang mga power producers sa pagpadayon sa ilang operasyon.
Tungod niini, gikinahanglan ang rotational brownout aron makatipid sa limitadong suplay sa krudo.
Photo courtesy: Bilyonaryo
