Mipakatap ang Philippine National Police (PNP) og gibana-bana nga 106,000 ka mga pulis sa tibuok nasod taliwala sa gipataas nga security alert alang sa Labor Day, karong Biyernes, Mayo 1, 2026
Matod ni PNP spokesperson PBGen. Randulf Tuaño, ang heightened alert gipatuman niadtong Huwebes sa gabii ug magpabilin hangtod sa Sabado isip pagpangandam sa gipaabot nga mass protest actions.
Gikompirmar usab sa PNP nga tulo ka grupo ang mi-apply og mga rally permit sa Metro Manila, apan wala maaprobahan tungod kay ang mga lugar diin himuon ang mga aksyon wala itudlo nga freedom park.
Isip usa ka dugang nga lakang, ang mga yunit sa Civil Disturbance Management gimandoan usab sa paggamit sa mga camera nga gisul-ob sa lawas aron masiguro ang transparency ug tukma nga dokumentasyon sa mga aksyong protesta.
Photo Courtesy: PNP
