Mingbahad ang Iran nga maglunsad og “long and painful strikes” batok sa Estados Unidos kon magpadayon ang pagpanginlabot sa Strait of Hormuz, diin kapin 20% sa suplay sa lana ug gas sa kalibutan ang naapektuhan sa pagbabag niini.
Bisan pa sa ceasefire sukad niadtong Abril 8, nagpabilin nga deadlock ang negosasyon samtang gikatakdang i-brief si U.S. President Donald Trump sa plano sa bag-ong military strikes.
Samtang misaka ang presyo sa Brent crude ngadto sa $126 matag bariles adiser mobalik sa $113, samtang nagpasidaan ang Revolutionary Guards nga bisan unsang atake sa Amerika ilang tubagon og dako nga kadaot.
Segon ni Iran Supreme Leader Mojtaba Khamenei nga tuyo sa Tehran nga tapuson ang pang-abuso sa mga langyaw ug ipabilin ang kontrol sa Strait of Hormuz.
Mipasidaan usab si UN Secretary-General Antonio Guterres nga kon magpadayon ang krisis, posible nga molangan ang global growth ug mosaka ang inflation, samtang mosamot ang tensyon human sa drone ug missile attacks sa Israel, U.S. bases, ug Gulf states.
Gitun-an sa Amerika ang paggamit og ground forces ug pagtukod og coalition nga Maritime Freedom Construct, samtang ang France ug UK nagpahayag og ka-andam nga motabang human sa giyera, ug si Japanese Prime Minister Sanae Takaichi nakig-alayon kang Iranian President Masoud Pezeshkian aron masiguro ang luwas nga pagbiyahe sa mga barko sa Japan
Photo Courtesy: Discovery alert
