Naglusad og protesta ang mga pamilya sa nawala nga mga Indigenous activists ug mga grupo sa katungod sa tawo sa gawas sa Camp Aguinaldo kagahapong adlawa, Abril 30, aron ipanawagan ang hustisya ug tubag sa gobyerno, human tulo ka tuig sukad sa pagkawala sa duha ka tigpanalipod sa katungod sa lumad.
Gipangulohan sa mga organisasyon sama sa Katribu, Sandugo, ug Kabataan para sa Tribung Pilipino, ang demonstrasyon, uban ang ubang grupo sa lumad ug human rights advocates.
Gihulagway sa mga nagprotesta ang ilang kasuko ug kasubo pinaagi sa pagbutang og mga poster sa nawagtang nga mga aktibista ug pagmarka og simbolikong “X” sa mga banner nga may kalabutan sa Armed Forces of the Philippines ug Criminal Investigation and Detection Group.
Ang maong aksyon gihimo isip paghinumdom sa pagkawala nila Capuyan, usa ka organizer gikan sa Bontoc-Ibaloi-Kankanaey, ug De Jesus, usa ka trabahante sa katungod sa Indigenous Peoples, nga giingong gidakop sa armadong mga lalaki sa Taytay, Rizal niadtong Abril 28, 2023 ug wala na makita sukad niadto.
Sumala sa mga grupo, hangtod karon wala gihapon klarong tubag gikan sa gobyerno. Giakusahan usab nila ang kahilom sa estado isip usa ka porma sa komplikado sa maong mga kaso.
Photo Courtesy: Philstar
