Gipalig-on ang kahibalo ug kahanas sa TESDA Region XI Welding Trainers pinaagi sa usa ka Capability Building Program alang sa mga umaabot nga Provincial Lead Trainers ug Assessors sa Manual Metal Arc Welding (MMAW) NC I ug NC II.
Kapin sa 22 ka trainers gikan sa lain-laing bahin sa rehiyon ang aktibong miapil sa maong pagbansay nga gipahigayon sa Regional Training Center, Korea-Philippines Vocational Training Center (RTC-KPVTC) sa dakbayan sa Davao.
Tumong sa programa nga mapalambo pa ang ilang kahibalo ug kahusayan sa welding isip pagpangandam sa mas dako nilang responsibilidad sa umaabot.
Sumala sa TESDA XI, ang maong inisyatibo nagpakita sa ilang padayon nga dedikasyon sa paghulma og mga dekalidad nga trainers nga makahatag og taas nga lebel sa technical-vocational education ug training.
Sumala pa nga pinaagi niini, masiguro ang pagsunod sa industry standards ug ang paghimo og mas lig-on, mas andam, ug globally competitive nga workforce sa sektor sa welding.
Giingon nga ang kalamboan sa kahanas karon, puhunan sa mas lig-on nila nga kaugmaon.
PHOTO COURTESY : TESDA WOMENS CENTER
