Gisugdan ug gi-welcome sa Department of Trade and Industry (DTI) ang regional expansion sa Thai World Group pinaagi sa Philco Food Processing, Inc., nga magtukod og dako nga coconut manufacturing facility sa Pilipinas.
Sumala pa ang maong planta adunay 5.5 ektarya nga luna ug gilauman nga maablihan sa bulan sa Hulyo 2026.
Ang proyekto maghatag og trabaho sa kapin 1,500 ka Pilipino ug makaproseso og sobra 500,000 ka lubi matag adlaw para sa export sa lain-laing nasud.
Gibutyag nga kini magpalig-on sa papel sa Pilipinas isip usa sa mga importanteng nagproseso sa lubi sa tibuok kalibutan.
Rehistrado kini sa Philippine Economic Zone Authority (PEZA) ug giisip nga timailhan sa kusog nga pagsalig sa mga investor sa nasud.
Gilauman usab nga makatabang kini sa pagpalambo sa panginabuhian sa kabaryohan, pagpalig-on sa supply chain, ug pagpalapad sa export capacity sa Pilipinas sa coconut industry.
Photo Courtesy : GMA
