Nagkahiusa ang Overseas Workers Welfare Administration (OWWA) ug ang GCash aron mapadali ang digital payment access sa OWWA membership alang sa mga Overseas Filipino Workers (OFWs).
Pinaagi sa maong kasabutan, mahimo na sa mga OFW nga mobayad sa ilang membership pinaagi sa GCash app gamit ang Bills Pay feature bisan asa ug bisan unsang oras. Tumong niini ang paghatag og mas sayon, mas luwas, ug mas dali nga serbisyo.
Sumala sa OWWA, ang aktibong membership naghatag og benepisyo sama sa emergency repatriation, reintegration services, healthcare, legal assistance, ug livelihood programs, nga makatabang ilabi na sa panahon sa krisis.
Giingon ni Patricia Yvonne Caunan nga ang digitalization sa renewal system kabahin sa modernisasyon sa serbisyo alang sa mga migrant workers. Si Cleo Santos miingon usab nga ang partnership magpalig-on sa digital financial services para sa OFWs.
Sugdan ang OWWA membership payment pinaagi sa GCash sa Abril 16, 2026, ug temporaryong waay bayad ang transaction fees hangtod Hulyo 16, 2026.
Photo Courtesy: PHILSTAR
