Mibisita si King Charles III sa National September 11 Memorial & Museum sa New York City niadtong Miyerkules aron mangulo sa wreath-laying ceremony isip paghinumdom sa mga biktima sa 9/11 attacks.
Kabahin kini sa ikatulong adlaw sa iyang state visit sa United States, nga nagtinguha sa pagpalig-on sa relasyon sa Britain ug Amerika.
Atol sa iyang pagbisita, makigkita siya sa mga first responders ug pamilya sa mga biktima sa Manhattan, kapin 25 ka tuig human sa trahedya nga mikalas sa dul-an 3,000 ka kinabuhi niadtong September 11, 2001.
Sa iyang pahayag sa US Congress, giingon ni King Charles nga ang maong panghitabo usa ka makalilisang nga yugto nga gibati sa tibuok kalibutan, ug giingon nga magpabilin ang panaghiusa sa Britain ug US sa paghinumdom sa maong adlaw.
Kabahin usab sa iyang itineraryo ang pagbisita sa usa ka urban farming project nga nagtabang sa kabatan-onan, samtang si Queen Camilla moapil sa usa ka cultural event sa New York Public Library.
Palig-onon ang seguridad sa New York atol sa maong state visit nga maglakip usab sa mga diplomatic ug business engagements.
Photo Courtesy: BBC
