Gikawat ang usa ka bisikleta sa Purok Cactus, Odaca, Barangay San Miguel sa Digos City alas-5 sa hapon Abril 30, 2026, ug nakuhaan ang aktwal nga panghitabo sa CCTV.
Sa video, klarong makita ang usa ka lalaki nga maoy gituohang suspek sa pagkuha sa bisikleta, nga hinungdan sa kabalaka sa komunidad.
Sumala sa post ni Raul Onido, nangayo kini og tabang sa publiko nga i-share ang video aron mahimong pasidaan sa uban ug makatabang sa dali nga pag-ila ug pagdakop sa suspek.
Padayon ang panawagan sa mga awtoridad sa bisan kinsa nga adunay impormasyon nga makontak dayon ang kapulisan aron matabangan sa imbestigasyon ug masiguro ang kaluwasan sa komunidad.
