Gipahibalo ni North Korean leader Kim Jong Un nga magpadayon ang iyang nasud sa pagsuporta sa polisiya sa Russia, samtang iyang gihisgutan usab ang kasamtangang kahimtang sa internasyonal nga politika uban sa Russian Defense Minister.
Sumala sa report sa state media, miabot sa North Korea ang usa ka Russian delegation nga gipangulohan ni Defense Minister Andrei Belousov aron motambong sa usa ka seremonya sa pagkompleto sa memorial nga gipahinungod sa mga North Korean nga sundalo nga namatay sa pakiggubat sa Kursk region sa Russia, diin adunay pagsulod sa Ukrainian forces niadtong 2024.
Kahinumdoman nga ang Russia nagsugod sa full-scale invasion sa Ukraine niadtong Pebrero 2022 ug padayon gihapon ang panagbangi, nga naka-okupar na sa halos ikalima nga bahin sa teritoryo sa Ukraine.
Ang maong pagbisita ug pahayag nagpakita sa mas lawom nga relasyon sa Moscow ug Pyongyang samtang nagpadayon ang tensyon sa global nga eksena sa seguridad.
Photo Courtesy : Analodu Ajansi
