Gidasig sa gobyerno sa Tokyo ang ilang mga empleyado nga magsul-ob og shorts samtang nagtrabaho aron maminusan ang paggamit sa air conditioning ug makatipid sa enerhiya, taliwala sa pagsaka sa gasto sa kuryente nga nalambigit sa tensyon sa Middle East.
Kabahin kini sa pinalapad nga “Cool Biz” initiative nga gisugdan sa Ministry of the Environment niadtong 2005, nga nag-awhag sa mas komportable ug preskong sinina panahon sa ting-init.
Gisuportahan ni Tokyo governor Yuriko Koike ang maong lakang, nga nagtugot sa pagsul-ob og T-shirt, polo, sneakers ug shorts depende sa matang sa trabaho.
Apil usab sa programa ang pagpalapad sa teleworking ug sayo nga pagsugod sa trabaho aron malikayan ang peak hours sa kainit ug konsumo sa kuryente.
Sa nakalabay nga tuig, nakatagamtam ang Japan sa pinakainit nga summer sukad pa sa 1898 base sa datos sa Japan Meteorological Agency. Misaka na usab sa 40°C o labaw pa ang temperatura, nga karon giila na nga kasagarang hitabo.
Tungod niini, nagpagawas ang ahensya og bag-ong pormal nga termino alang niini nga grabeng kainit—gitawag kini og “cruelly hot” o “kokusho” days aron ipakita ang grabe nga epekto sa init nga panahon.
Photo Courtesy:OC-Today Dispatch
