Nanawagan si Batangas 1st District Rep. Leandro Leviste sa Office of the President nga imbestigahan ang giingong diskriminasyon sa distribusyon sa ayuda ubos sa “Bawat Barangay Makikinabang” ug “Bawat Bayan Makikinabang,” nga mga programa sa pinansyal nga tabang alang sa mga lokal nga gobyerno.
Sa resolusyon nga gisumite sa House of Representatives of the Philippines, giingon niya nga posible nga naapektuhan sa politika ang pag-apod-apod sa pondo ug adunay alegasyon sa pagpangayo og komisyon.
Gipadayag usab sa kongresista nga mokabat sa 84 ka barangay sa iyang distrito ang wala maapil sa distribusyon sa ayuda atol sa pagbisita ni Pangulong Ferdinand Marcos Jr. sa Batangas, diin gipanghatag ang tig-P200,000 nga tabang matag barangay.
Nanawagan usab si Leviste nga mahatagan dayon og ayuda ang wala naapil ug ipubliko ang distribusyon sa pondo, samtang gisugyot usab niya ang pagsuspinde sa excise tax ug VAT sa langis hangtod matul-id ang sistema.
Photo Courtesy: Politiko
