Suspendido karon ang pag-isyu og permit alang sa paaway og kabayo sa tibuok Davao del Sur human sa reklamo nga posibleng nakalapas sa Republic Act 10631.
Sumala sa National Commission on Indigenous Peoples Region XI, gisuspenso ang maong kalihokan samtang ginapadayon ang imbestigasyon sa insidente nga nahitabo sa Hagonoy niadtong Pebrero.
Nasuta sa inisyal nga findings nga adunay sayop nga paggamit sa certification, diin gigamit kini sa laing lugar nga wala matuman ang orihinal nga tuyo.
Gipasabot sa NCIP nga magpabilin ang suspensyon hangtod mahuman ang imbestigasyon, ug ang dili pagsunod mahimong mag-atubang og legal nga aksyon.
