Mihatag ug klaro ug tin-aw nga tubag ang singer nga si Kris Lawrence nga wala sila nagbalik sa iyang kapikas nga si Katrina Halili, bisan pa sa ilang mas maayong relasyon karong tuiga.
Sa iyang guesting sa usa ka talk show, miingon ang singer nga mapasalamaton siya sa ilang renewed connection tungod kay nakatabang kini sa mas positibong co-parenting alang sa ilang anak nga babaye nga si Katie. Matod pa niya, mas malinawon ug mas malipayon karon ang ilang anak tungod sa ilang panagkasinabtanay.
Pipila na kahigayon nga nagkuyog ang duha gikan sa live selling diin nakita nga gihagkan ni Kris si Katrina sa agtang ug sa dili lang dugay nakita usab nag uban ang duha sa ilang EL Nido Palawan ug sweet kaayo sa usag-usa base sa mga kuha sa litrato nga gi post ni Katrina sa iyang social media.
Gipadayag ni Kris nga ang ilang prayoridad mao ang kaayohan ni Katie, ug wala silay plano sa romantikong pagbalikay. Matod pa niya, single silang duha ug naka focus sila sa suporta ug pag-atiman isip ginikanan sa ilang anak.
Photo Courtesy: Manila Bulletin
