Atubangon sa usa ka babaye sa Arkansas ang bug-at nga kasong felony theft, human giingong nagdumili sa pag-uli sa hapit $20,000 nga nasayop pagpasulod sa iyang sweldo.
Base sa affidavit sa kapolisan, si Rene Nichole Coleman 50-anyos, kinsa nagdawat lamang unta og $16.50 matag oras, nasaypan og bayad og $1,650 matag oras niadtong Mayo 2025—usa ka sayop sa kompanyang Superior Senior Care nga miresulta sa sobra nga bayad nga miabot og $19,388
Giingong gihurot na ni Coleman ang maong kantidad sa pagpaayo sa truck sa iyang bana ug wala na makig-alayon sa imbestigasyon sa maong “payroll error”. Nadakpan si Coleman niadtong Abril 6 pinaagi sa usa ka warrant of arrest ug kasamtangan nga nakagawas human makapiyansa og $15,000 Gikatakda ang iyang pag-atubang sa korte karong Mayo18, alang sa pormal nga pagdungog sa iyang kasong Class C felony.
Photo credits: Ignite Your Mind
