Nagpakita og lahi nga pamaagi ang kapulisan sa Soure, Pará sa Brazil, atol sa ilang pagpatrolya pinaagi sa pagsakay sa kalabaw. Kini nga lakang gihimo sa Military Police of Pará aron mahi-angay sa lisod nga kahimtang sa lugar.
Tungod sa kanunay nga pagbaha, lapok, ug nag-usab-usab nga agianan sa tubig ilabi na sa ting-ulan, dili na epektibo ang paggamit sa mga sakyanan kay dali kining ma-stuck o dili makalusot.
Busa, gigamit sa kapulisan ang kalabaw nga mas lig-on ug angay sa ingon nga palibot. Tungod sa ilang kusog ug abilidad sa paglihok bisan sa tubig ug humok nga yuta, napadayon sa mga pulis ang ilang operasyon ug serbisyo bisan sa mga lugar nga lisod maabot.
