Gipahibalo sa Land Transportation Franchising and Regulatory Board (LTFRB) nga nahuman na ang pag apod-apod sa Php135 milyones nga fuel subsidy alang sa mga taxi driver sa tibuok nasod.
Sumala sa ahensya, niabot sa 5,440 ka taxi drivers ang nakadawat og Php5,000 matag usa atol sa duha ka adlaw nga payout. Gani, aron nga masiguro nga matubag ang tanang kwalipikadong benepisyaryo, gipalawig pa ang distribusyon niini hangtod alas 9:00 sa gabii niadtong Abril 25, 2026.
Dugang pa sa ahensya nga nakig-koordinar na usab sila sa Department of Energy, LandBank, ug uban pang sektor alang sa giplanong Php10 kada litro nga diskwento alang sa mga Public Utility Vehicles (PUVs) sa tibuok nasod.
Ang maong mga tabang gihimo samtang nagpadayon ang pagtaas sa presyo sa lana tungod sa nagpadayon nga tensyon sa Middle East.
Photo Courtesy: Inquirer
