Kabsan sa kinabuhi ang usa ka opisyal samtang kritikal usab ang kahimtang sa usa pa human sa nahitabong pagpamusil sa Endeavour Health Swedish Hospital sa Chicago pasado alas 10:50 sa buntag niadtong Sabado, Abril 25, 2026.
Matod ni Chicago Police Superintendent Larry Snelling nga wala pa nailhan sa publiko kung kinsa ang suspek apan nadakpan na kini pinaagi sa ilang gipatuman nga operasyon.
Base sa report, nga ang mga kapulisan nagdala ug usa ka indibidwal ngadto sa Swedish Hospital alang sa obserbasyon, apan sa wala damha mitumaw ang suspetsado dayong nagpaulan ug bala.
Tungod niini, gilockdown ang kampus aron masiguro ang kaluwasan sa mga pasyente ug sa mga kawani.
Sa pagkakaron padayon pa ang imbestigasyon sa mga otoridad kabahin sa maong insidente samtang nag-atubang usab sa dakong kahasubo ang kagamhanan ug komunidad sa pulisya sa Chicago human adunay usa ka opisyal ang namatay.
Photo Courtesy: Inquirer
