Gilunsad ang bag-ong programa sa DTI-Small Business Corporation (SB Corp.) sa pautang alang sa mga drayber ug operator nga gusto mobalhin ngadto sa mga electric vehicle o e-vehicle.
Ubos sa E-Transport Loan, makahulam ka hangtod sa ₱1.5 milyon kada sakyanan ug hangtod sa ₱3 milyon kada mangutang.
Mahimo kining bayran pinaagi sa installment hangtod sa lima ka tuig ug adunay opsyon nga adunay grace period nga hangtod sa 12 ka bulan.
Aron maka-avail niiini , ang nangutang kinahanglan adunay balido nga prangkisa o permit gikan sa LTFRB, rehistrado sa DTI o SEC, ug adunay business permit.
Mahimo usab nga mag-aplay ang mga drayber o operator sa TNVS, basta sila mismo ang nangutang.
Ang nahisgutang programa sa pautang sa SB Corp adunay interest rate nga 6.7% kada tuig ug 3% nga processing fee.
