Nakasulod sa ikatulo sa “Top 100 Chicken Dishes in the World” ang paboritong Pinoy nga Chicken Inasal sumala sa TasteAtlas.
Sa pinakabag-ong ranking nga gipagawas niadtong Abril 15, adunay rating nga 4.4 star out of 5 ang Inasal na manok, nga nagpamatuod sa kalami ug pagka-popular niini dili lang sa Pilipinas kondili sa tibuok kalibutan.
Nanguna sa listahan ang Chikin gikan sa South Korea, nga nailhan sa iyang doble nga pagprito nga naghatag og kalutong, samtang misunod sa ikaduhang pwesto ang Pollo a la brasa sa Peru.
Ang inasal nga manok, nga gikan sa rehiyon sa Western Visayas ilabi na sa Bacolod City, nailhan sa pag-marinate niini sa suka, tanglad, ahos ug luya, ug pag-basting og atsuete samtang giihaw aron makuha ang talagsaong kolor ug lami.
Kasagaran kining ihaon uban sa sinangag nga kan-on ug sawsawan nga halang nga suka, nga paborito sa daghang Pilipino.
Tungod sa kahinungdanon niini sa kultura, gideklarar usab sa Bacolod City ang inasal nga manok isip cultural property niadtong 2022.
Photo Courtesy: Eatingwell
