Nasakmitan sa mga operatiba og pipila ka mga pakete sa druga atol sa pagpatuman sa search warrant operation sa Barangay San Pedro, Pagadian City, adlawng Sabado, Abril 25, 2026.
Bitbit sa mga operatiba sa RDEU 9, uban ang ZSPIU, ZSPDEU, RID 9, Pagadian CPS, ug 902nd MC, RMFB 9 ang search warrant may kalabutan sa paglapas sa RA 9165 kon Comprehensive Dangerous Drugs Act of 2002 nga miresulta sa pagdakop sa usa ka 39-anyos, nga babaye.
Ang search warrant giisyu ug gipirmahan sa Regional Trial Court, Branch 19, Pagadian City, pinetsahan kaniadtong April 21, 2026. Nalangkob sa nakumpiska ang usa ka large sized, 15 ka medium sized ug 29 ka gagmay’ng mga pakete sa gituohang shabu.
Human sa imbentaryo ang mga druga nga nakumpiska gidala ngadto sa Zamboanga del Sur Provincial Forensic Unit alang sa laboratory examination.
Samtang ang dinakpan nga suspetsado nakakustudiya na sa Pagadian City Police Station alang sa tukmang lakang.
Photo Courtesy: ZSPPO, PRO-9
