Nadisgrasya ang usa ka Mitsubishi L300 van nga nagkarga ug mga smuggled nga mga sigarilyo sa may National Highway, Purok 3, Barangay Gatub, Lakewood, Zamboanga del Sur, adlaw’ng Sabado, Abril 25, 2026.
Sa inisyal nga imbestigasyon sa Kumalarang Municipal Police Station, igo na lang nila nga na-abtan ang sakyanan nga wala nay driver ug daw sa gi-abandona na ang karga nga smuggle nga sigarilyo.
Sa pagsusi sa mga otoridad, na-recover nila ang mukabat sa 390 reams sa Bosqu nga mga brand sa sigarilyo nga may gibana-banang kantidad nga mukabat sa ₱390,000.00
Namatikdan usab nga may markang “For Export Only” ang maong mga sigarilyo ug klaro nga walay mga BIR tax stamps.
Human sa imbentaryo ang nakumpiskang mga kontrabando giturn-over ngadto sa Bureau of Costums alang sa pagpahiluna, samtang padayon pa usab sila nga naglusad ug imbestigasyon aron maila ang nagkarga sa maong mga kontrabando.
Photo Courtesy: ZSPPO, PRO-9
