Arestado sa kapulisan ang usa ka dalaga sa gipahigayong search warrant operation sa gipagawas sa RTC 11, Branch 30, alas 6:08 sa buntag Marso 28, 2026, kauban ang 1st Davao Norte Provincial Mobile Force Company didto mismo sulod sa iyahang panimalay.
Giila ang dinakpan nga si alyas “AZI” babaye, ug 40-anyos, ug residente sa Purok Pagkakaisa, Barangay Magugpo West Tagum City Davao del Norte.
Sa pagpahigayon sa maong search warrant, nakumpiska sa pulis nga gitahasan isip Seizing Officer ang usa(1) ka color black nga coin purse, siyam (9) ka heat-sealed transparent plastic sachets nga adunay sulod nga gituohang “shabu”, usa (1) ka color brown nga coin purse, tulo (3) ka heat-sealed transparent plastic sachets nga adunay sulod nga gituohang “shabu”, tulo (3) ka papel nga gigamit nga wrapper, usa (1) ka color black straw, usa (1) ka rectangular sachet nga adunay residue sa gituohang shabu, ug duha(2) ka rectangular nga walay sulod nga transparent cellophane.
Adunay gibana-banang kantidad base sa Standard Drug Price nga mokabat sa One-Hundred-Two-Thousand pesos (Php 102,000.00), ang nakumpiskang ilegal nga droga nga adunay timbang nga kinse (15) ka gramo.
Sa pagkakaron, ang maong suspetsado anaa na sa kustodiya sa Tagum City Police Station ug mag-atubang sa kasong paglapas sa Section 11 ug Section 12, Article II sa RA 9165 kon Comprehensive Dangerous Drugs Act of 2002.
Photo Courtesy : PNP DavNor Tagum CPS
