Gipahigayon ang usa ka Serbisyo Caravan ang Probinsiyal nga panggamhanan sa Davao de Oro sa Datu Davao, lungsod sa Laak, Davao de Oro, niadtong nakalabay nga adlaw. Gatosan ka mga residente ang nakabenepisyo sa Kalamboan Serbisyo Caravan.
Lakip sa mga serbisyong gihatag mao ang medical check-up, laboratory services, pag-ibot og ngipon, tuli, alis-bukol, ug Yakap registration gikan sa PhilHealth, ingon man registration sa birth certificate ug libreng gupit pinaagi sa kasundalohan. Apil sa gihatag ang mga food packs sa mga residente.
Sa katapusan, gipahibalo sa Executive Assistant IV nga si Anacito Torrejos Jr. nga ang maong Caravan magpadayon alang sa katawhan sa Davao de Oro ug sa moang lugar, ilabina sa paghatag og panglawas nga hinabang gikan sa nasyonal ug lokal nga panggamhanan.
Photo Courtesy: Philippine News Agency
