Nakaangkon ug samad bun-og sa lawas ang usa ka driver uban sa upat ka pasahero niini human nadisgrasya ang ilang gimanehoangng sakyanan sa Pulang Pantad, Brgy Badas, Mati City, Davao Oriental niadtong nakalabay nga adlaw.
Ang nalambigit nga sakyanan usa ka Mitsubishi Xpander nga nagtangag ug plakang numero LAT 8676 nga gimaneho ni alyas Nico, ulitawo, 35-anyos, self-employed ug residente sa Magsaysay, Brgy. Central sa maong dakbayan. Samtang ang mga pasahero niini naila nga sila alyas, Jenny, Elizabeth, Jazz ug Love Love.
Base sa inisyal nga imbestigasyon sa kapulisan, nasayran nga ang sakyanan gikan sa Bayview, Brgy. Dahican ug padulong unta sa Poblacion Lupon, apan pag abot sa lugar sa nahitaboan nawad-an ug control ang driver hinungdan nga naligid sa kalsada ug nabalintong.
Tungod niini, ang drayber ug mga pasahero naangol ug dali usab nga gidala sa Davao Oriental Provincial Medical Centeralang sa medikal nga pag-atiman. Samtang ang sakyanan nakaangkon og wala matinong kantidad sa damyos.
Sa karon ang sakyanan anaa na sa kustodiya sa Mati City Police Station alang sa hustong disposisyon.
