Mokabat sa 580 ka empleyado sa usa ka sports apparel company sa MEPZ 2 ang nawad-an og trabaho ,human gisirad-an ang kompanya niadtong nakalabay nga adlaw, tungod sa hinay nga kita.
Sumala ni Public Employment Service Office (PESO) Manager Kim Francisco, nangayo og tabang ang HR sa kompanya aron matabangan ang mga apektado pinaagi sa ayuda gikan sa Department of Social Welfare and Development (DSWD), CSWDO ug Department of Labor and Employment (DOLE).
Naglaom si Franciso ang aduna pa’y kapaingnan ang mga apektado tungod kay sa niaging tuig adunay usa ka dakong sports apparel company ang nangabli sa Cebu light industrial park ug padayon pa kini sa pagpangdawat og trabahante hangtud karon.
Gipasiguro usab ni Francisco nga andam ang PESO Lapu-Lapu sa paghatag og tabang ug pagpangita og alternatibong oportunidad alang sa mga nawad-an ug trabaho.
