Nihimo sa pagklaro ang Philippine Coast Guard (PCG) nga walay nahimong pakigsabot ngadto sa China mahitungod sa joint patrol sa kadagatan.
Gipagawas sa PCG ang maong pagklaro human sa pamahayag sa Chinese Ambassador to the Philippines nga si Jing Quan nga matod pa hapit na mahuman ang landmark Coast Guard Cooperation Agreement.
Dugang pa nga anaa na sa 95% ang gihimo nga cooperation agreement alang sa posibleng pagkalma sa tensiyon sa dagat.
Apan segon ni PCG Spokesperson for the West Philippine Sea Rear Admiral Jay Tarriela nga subay sa iyang labing awahi nga pakighinabi ni Commandant Admiral Ronnie Gavan nga wala silay kalabutan sa giingong kooperasyon sa China labi na sa matod pa joint patrols.
Kahinumduman nga niadto lang nilabay nga semana gideploy sa PCG ang pipila ka mga barko ug aircraft sa Bajo de Masinloc human nga makadawat og report sa laing harassment ngadto sa mga Pilipinong mananagat gikan sa Chinese Coast Guard vessels ug sa Chinese Maritime Militia.
Lakip niini ang mga delikado nga maniobra sa mga barko sa CCG ug pagpapahawa sa mga Pilipino nga nanagat sa Bajo de Masinloc.
Nigamit sab sa labing unang hingayon ang China og People’s Liberation Army Air Force asset sa dihang gipalupad ang PCG aircraft sa Bajo de Masinloc.
Photo Courtesy: The Manila Times
