Gitugotan na sa kagamhanan sa United Kingdom ang Estados Unidos nga gamiton ang military base niini aron sa paghimo og mga missile strike batok sa mga missile site sa Iran nga matod pa gigamit sa pag-atake sa mga barko sa Straif of Hormuz.
Sa report sa Downing Street nga adunay nahitabong panagsabot ang mga opisyal sa UK aron hisgutan ang tensiyon sa Iran ug ang pagbabag niini sa Strait of Hormuz nga giilang usa sa mga bililhong agianan sa lana sa tibuok kalibutan.
Nasayran nga anaa sa kasabutan ang paggamit sa Estados Unidos sa mga base sa UK nga lakip sa giingong collective self defense sa rehiyon nga gilangkuban sa mga operasyon nga nagtumong nga lupigon ang mga missile site nga gigamit sa pag-atake sa mga barko sa strait.
Kahinumduman nga una na kining gibalibaran ni UK Prime Minister Keir Starmer ang hangyo sa Amerika tungod gusto una niini siguradohan kung nasubay ba kini sa balaod ubos sa military action.
Bisan pa, nausab ang iyang baruganan human nga nihimo og pag-atake ang Iran batok sa mga kaalyado sa UK ngadto sa Middle East.
Photo Courtesy: The Mirror
