Niapelar si Senador Bam Aquino ngadto sa kagamhanan nga mopaabot og tabang ngadto sa mga micro, small, and medium enterprises (MSMEs) ug sa middle-class sector nga naapektuhan sa pagsaka sa presyo sa petrolyo nunot sa nagpadayon nga tensiyon sa Middle East.
Dugang pa niini nga nabati ang price shocks sa mga kamerkadohan, gasolinahan, ug bisan sa mga gagmayng sari-sari store nga nahimong gibug-aton lakip sa mga anaa sa middle class ug mga gagmayng negosyo.
Gihingusgan sa senador nga kung adunay gitagana nga ayuda, kinahanglan kining mahatag dayon ngadto sa mga naapektuhan nga sector.
Gipalapdan sab niini ang panawagan nga tabang, dili lang ngadto sa mga MSMEs kundi lakip na sab ngadto sa mga nanarbaho sa sector sa transportasyon.
Importante matod pa sa senador nga abli og magpadayon ang operasyon sa mga negosyo ug transportasyon aron magpabilin ang kalig-on sa ekonomiya sa nasud.
Photo Courtesy: Philstar.com
