Nag-viral ang komedyanteng si Pokwang human iyang gisayaw sa TikTok ang iyang reklamo sa taas nga bayranan sa kuryente.
Sa iyang video, gigamit niya ang kantang “Hawak Ko ang Beat” samtang iyang gipakita ang bill nga niabot og 32 mil pesos. Sa caption, wala siya nakagpugong sa iyang reaksyon ug miingon pa, “Hawak ko ang bill! P*tah!”
Nasayran nga dili lang siya ang naka-batyag sa pagsaka sa presyo, ilabi na karon nga nisaka usab ang presyo sa diesel nga niabot na og kapin 100 pesos kada litro, hinungdan nga mosaka usab ang ubang gastohan.
Nagkadaiyang reaksyon sa mga netizens ang uban na-shock sa kadako sa bill, samtang ang uban niingon nga mas dako pa kini kaysa ilang sweldo.
Sa tubag ni Pokwang, iyang gipasabot nga dako ang konsumo sa kuryente tungod kay aduna kini’y negosyo sa ilang balay.
Sa pagkakaron, wala pa siyay regular nga programa, ug wala pa’y kumpirmasyon kung mobalik ba siya sa ABS-CBN.
Photo Courtesy: The Manila Times
