Nagpahigayon ug Dialogue, Police Visibility ug Traffic Control operations ang mga personahe sa Cateel Municipal Police Station (MPS) sa pagpanguna ni PSSG Joel P. Maubay didto sa Cateel Central Elementary School, Cateel Vocational High School ug Maryknoll Academy of Cateel niadtong Disyembre 4, 2025.
Kauban sa mga kapulisan sa pagpatuman sa maong kalihokan ang mga sakop sa PAC-TF ug BPATS, kinsa misalmot usab sa gipahigayon nga Flag Raising Ceremony sa maong mga tunghaan.
Ang presensya sa mga uniformed police personnel naghatag ug pagbati sa kaluwasan ug disiplina sa mga estudyante ug sa komunidad, diin kini subay sa adbokasiya sa PNP nga Safe School Environment ug sa gipakusog nga pagpatuman sa police-community partnership programs.
Tumong sa maong kalihokan aron masiguro ang kaluwasan ug seguridad sa mga tinun-an, mga magtutudlo ug mga kawani sa tunghaan ingon man aron mamintinar usab ang kahapsay ug kalinaw nga dagan sa trapiko sulod sa mga school zones.
Photo Courtesy to:Philippinenationalpolicejournal.com
