Gibutyag ni PNP chief Lt. Gen. Jose Melencio Nartatez Jr. nga kung adunay reward mas daghan ang mga potensyal nga impormante nga mureport kini kabahin sa nahimutangan ni Ako Bicol party-list Rep. Elizaldy “Zaldy” Co.
Kalabot kini sa pagsuporta sa Philippine National Police (PNP) sa usa ka sugyot sa gobyerno nga mutanyag ug reward sa makahatag ug lehitimong impormasyon kabahin sa kung asa si Co.
Samtang gipasalig usab sa Philippine National Police nga ilang trabaho ang pagpangita karun si Zaldy Co, diin sila mobuhat sa tanan pinaagi sa legal nga paagi. Gani, bisan pa man nga wala makahimo ug pormal nga rekomendasyon apan andam matod pa sila nga suportahan ang bisan unsang desisyon sa palisiya nga mahimo sa nasudnong gobyerno.
Kahinumdoman nga niadtong Martes, gibutyag sa Malacañang ang pagkonsiderar sa pagtanyag ug reward aron madakpan si Co, kinsa nalakip sa 16 ka wanted sa Sandiganbayan tungod sa graft ug malversation nga kaso kalabot sa giingong anomaliya sa flood control project sa Oriental Mindoro.
Sa pikas bahin, nitanyag usab ug Php1-million nga reward ang Department of Justice alang sa pagkasikop ni Cassandra Ong kinsa gipangita tungod sa kasong human trafficking sa giingong mga krimen sa usa ka Philippine offshore gaming operator (Pogo) sa Porac, Pampanga.
Samtang gipasalig ni Nartatez nga kung aduna may reward o wala, nagpadayon ang intelligence build-up ug operations sa PNP.
Photo Courtesy to:Onenews.ph
