Pormal nga nanumpa si Police Regional Office (PRO) 13 Director, PBGEN Marcial Mariano P. Magistrado IV, isip Vice Chairman sa Regional Peace and Order Council (RPOC) XIII kuyog si RPOC Chairman, Surigao del Sur Governor Johnny T. Pimentel, atol sa 4th Quarter Meeting sa konseho para sa Calendar Year 2025 nga gipahigayon sa Butuan City.
Ang seremonya nagpasabot sa mas lapad nga papel ni Magistrado sa pagdumala og paggiya sa mga inisyatibo alang sa kalinaw ug seguridad sa rehiyon, ug sa pagpalig-on sa koordinasyon tali sa mga law enforcement agencies ug lokal nga pangagamhanan sa Caraga Region.
Human sa panumpa, miapil si PBGEN Magistrado sa pagdiskusyon uban sa regional officials ug council members kabahin sa kasamtangang peace and order situation, pagrepaso sa nagpadayon nga mga programa sa seguridad, ug pagtuki sa mga prayoridad nga estratehiya samtang nagduol ang pagtapos sa tuig.
Gisaad usab sa hepe ang tibuok kadasig sa PRO13 sa pagpalig-on sa inter-agency collaboration, pagsustener sa anti-criminality ug counterinsurgency efforts, ug pagpalambo sa community-based programs alang sa usa ka mas luwas ug mas malinawong Caraga Region.
Photo courtesy: PRO13
