Arestao el 3 individual despues con estos confisca milliones valor de alegao shabu durante el anti-illegal drug buy-bust operation que ta encabesa el maga personajes del CDEU-ZCPO huntu el CIU-ZCPO,ZCPS-5 y Otros pa maga Ahencia concierne de govierno na Daisy Road Barangay Guiwan en este Ciudad.ayer madrogada Noviembre 23,2025
Con el maga suspechao ya identifica como canda Renar Tiblani y Roxas,37-anyos hombre,Aqtar-Ryann Puntukan y Tulawie,20-anyos soltero ambos maga residente de Canelar moret mientras si Alfrasid Usman y Sahibul,22-Anyos soltero residente des del Atis Drive Barangay Baliwasan.
Durante el operacion ya puede confisca el maga otoridad valor Php1,054,000.00 de alegao shabu los mismo el marked money.
Mientrastanto el maga alegao shabu ya lleva na ZCFU-9 Para el examinacion mientras el maga suspechao detenido na carcel del PS-11 y esperansao hay emfrenta el propio caso na corte.
