Angol ang usa ka lalaki human gitigbas sa Purok Equalizer, Barangay San Antonio, Titay, Zamboanga Sibugay sa nakalabay nga gabie, human sa mainit nga panaglalis sa suspetsado nga iyang silingan.
Ang biktima nakaangkon og samad ug dali nga gidala sa Dr. George T. Hofer Medical Center para sa dinaliang medikasyon.
Sumala sa imbestigasyon sa Titay Municipal Police Station, nagsugod ang gubot dihang gisulayan sa suspetsado ang pagpaandar sa iyang motor aron susihon ang kondisyon sa makina, apan nakahimo kini og saba nga nakasamok sa mga silingan.
Gisaway siya sa biktima tungod sa saba, ug tungod niini misugod ang mainit nga panaglalis og nauli sa pagpanigbas.
Nadakpan dayon ang suspetsado ug anaa na karon sa kustodiya sa Titay MPS alang sa hustong disposisyon. Personal nga panagbangi o dugay nang aligutgot ang gikatahong hinungdan sa maong insidente.
Photo Courtesy to:Titay MPS
