Positibo ang Big man sa Gilas Pilipinas nga si Kai Sotto magpadayon sa recovery sa iyang Anterior cruciate ligament (ACL) injury ug makabalik na siya sa pagdula. Matod sa 7-footer, ‘on-track’ na ang iyang recovery human sa operasyon ug hingpit na usab siyang misalmot sa simple nga pagbansay-bansay.
Karong semanaha, nakaduwa siya kadali sa basketball court sa Pasig City, uban sa pipila ka mga magduduwa sa Gilas. Matod ni Sotto, kung magpadayon ang iyang pagkaayo, posibleng makabalik siya sa Enero sa sunod tuig, usa ka tuig sukad siya nahiagom sa angol.
Sa pagkakaron, dili siya tugotan nga moapil sa team practice ug limitado lang sa court. Dugang pa niya nga dili mawagtang ang panagsang pagsakit sa iyang tuhod nga maoy usa sa mga gitutokan sa iyang rehabilitasyon.
Tungod sa kasamtangang rehabilitasyon, dili na makaduwa ang Gilas center sa unang bahin sa FIBA World Cup Asian Qualifiers nga sugdan sunod semana.
Photo Courtesy to: BusinessWorld
