Mokabat sa $706 milyon o anaa sa Php41.7 bilyon ang balance of payments (BOP) surplus sa Pilipinas niadtong Oktubre, sumala sa Bangko Sentral ng Pilipinas (BSP).
Mas taas kini kumpara sa $ 82 milyon dollars o anaa sa Php4.8 bilyon kaniadtong Septyembre ug sukwahi sa $ 724 milyon deficit o bugti sa Php42.8 billion pesos sa susamang bulan sa miaging tuig.
Kini usab ang labing taas nga narecord nga surplus sukad kaniadtong Pebrero nga miabot og $ 3.09 bilyon o anaa sa Php182.4 bilyon. Ang BOP mao ang lista sa tanang transaksyon sa nasud kabahin sa Negosyo, serbisyo, kita, kapital, ug pamuhunan gikan sa ubang nasud.
Samtang bisan pa man sa positibo nga numero sa bulan sa Oktubre, nagpabilin gihapon ang total deficit nga $ 4.6 bilyon (Php271.5 bilyon) gikan Enero hangtod Oktubre 2025, ikumpara sa $ 4.39 bilyon dollars surplus o anaa sa (Php259.4 bilyon) sa samang yugto sa 2024.
Gipasabot sa BSP nga ang BOP usa ka mahinungdanon nga sukdanan sa kahimtang sa ekonomiya ug koneksyon sa Pilipinas sa global market.
Bisan pa man, nagpabilin nga adunay kinatibuk-ang deficit nga $ 4.6 bilyon anaa sa Php271.5 bilyon sugod Enero hangtod sa Oktubre 2025, kumpara sa $ 4.39 billion dollars surplus o anaa sa Php259.4 bilyon sa susamang panahon sa 2024.
Gihatagan ug gibug-aton sa BSP nga mahinungdanon ang balance of payments isip sukdanan sa kahimsog sa ekonomiya sa pakigkutay sa Pilipinas sa kalibutanong merkado.
Photo courtesy to: interaksyon
