Tukuron sa Seoul City Government, ang round-the-clock call center alang sa mga tawong masulub-on ug kanunay lang mag-inusara.
Kini kabahin sa paningkamot sa city government nga matubag ang nagkadako nga problema.
Tumong sa plano nga makamugna og usa ka siyudad nga wala na’y tawong maguol o kaha masulub-on pinaagi sa sistematikong pagtubag sa ilang kaguol samtang anaa pa kini sa early stages, aron dili na sila mag-inusara.
Ang maong plano punduhan sa siyudad og 329.9 milliones dolyares, nga ana-a sa ₱19.48 bilyon sa pilipinas, sulod sa lima ka tuig pinaagi sa paglusad sa ‘Goodbye to Isolation 120’, usa ka 24-oras nga call center service.
Sugdan na usab sa maong siyudad ang pag-operate sa Seoul Mind Convenience Store sa upat ka mga lokasyon sunod aron mahatagan og lugar ang si bisan kinsa nga makighugoy-hugoy samtang mag-enjoy sa Seoul Ramyeon, usa ka brand nga gilusad sa siyudad.
Photo courtesy to: Signpost
