Mokabat sa 43 ka mga personahe sa PNP Police Regional Office 13 ang gipailawom sa surprise drug test isip kabahin sa Drug-Free Workplace Program, sa Camp Rafael Rodriguez, Butuan City, Nobyembre 20, 2025.
Gipangunahan ni PBGen Marcial Mariano P. Magistrado IV, Regional Director sa Police Regional Office-13 kauban ang tag-as nga opisyal sa kapulisan.
Gilangkoban ang drug test sa 40 ka mga Police Commissioned Officers, duha ka Police Non-Commissioned Officers, ug usa ka Non-Uniformed Personnel.
Ang Regional Forensic Unit 13 maoy gitahasan sapag-kolekta sa urine samples para sa pag-test sa tetrahydrocannabinol (THC), ang component sa marijuana, ug methamphetamine, nga mao sab ang substansiya nga kasagarang nagpositibo sa shabu.
Gihimo ang maong lakang aron masiguro nga walay pulis ang nagagamit og iligal nga droga, ingon man nga gilauman nga mag-negatibo tanan ang sa mogula nga resulta.
Samtang, una nang nagpasidaan ang kaulohan nga kung adunay sakop sa kapulisan ang mag-positibo sa pag-gamit og ginadiling droga, mag-atubang gayud sila og kasong administratibo ug posibleng mataktak sa serbisyo.
