Kumpyansa ang Department of Agriculture (DA) nga magpabiling ubos ang presyo sa sibuyas sa mga merkado sa nasod karong holiday season.
Sa pagkakaron, anaa sa ₱300 kada kilo ang presyo sa pula nga sibuyas sa pipila ka mercado sa Metro Manila.
Sumala ni DA Spokesperson Assistant Secretary Arnel de Mesa, adunay dakong volume sa imported nga sibuyas ang moabot sa nasod sa dili pa magsugod ang peak sa holiday season.
Sa kinatibuk-ang 56,000 metric tons nga sibuyas nga gihatagan og permiso aron i-angkat, 11,000 metric tons pa lamang ang aktuwal nga nakaabot sa Pilipinas ug tungod niini, padayon nga gipaabot ang pag-abot sa nahibiling volume sa imported nga sibuyas.
Sa higayon nga kompleto nang makaabot ang gilauman nga supply, posible nga moubos ang presyo sa sibuyas sa mga merkado hangtod ₱120–₱150 kada kilo, nga mas abot-kaya alang sa mga konsumidor.
Photo courtesy to: Pilipino Mirror
