Gipahibalo sa Philippine National Police (PNP) niadtong Nobyembre 9 nga sila naglusad ug imbestigasyon kabahin sa mga fake donation scam alang sa mga biktima sa Bagyong Tino, taliwala sa padayong mga paningkamot ug pagtabang.
Ang maong lakang gihimo human nga usa ka Jennifer Santos ang nagpakaarong-ingnon nga kawani sa Office of Civil Defense (OCD) nga nangayo ug mga donasyon alang sa mga naapektuhan sa Bagyong Tino sa Cebu.
Kalabot niini, gipahimangnoan sa OCD ang publiko nga dili basta basta mutoo ug ilhon usa ang usa ka tawo kung lehitimo ba kining kawani o sakop sa mga ahensya. Gani, gipaklaro sa ahensya nga wala sila mangayo ug donasyon alang sa mga nabiktima. Gi-awhag usab niini ang katawhan nga direktang makig-coordinate sa OCD ug sa DSWD kung maghatag ug donasyon.
Samtang nakig-alayon na usab ang OCD sa PNP ug uban pang ahensya aron sa pagsubay sa mga account ug financial channels nga nalambigit sa scam. Kalabot niini, nagpasidaan si Nartatez nga kung kinsa man ang malambigit sa pagpangilad mamahimong pasakaan ug kasong fraud ug posibleng identity theft.
Photo Courtesy to: Philstar.com
