Gipadayag sa aktor nga si Anjo Yllana ang giingong mga “kawatan” sa gobyerno, nga usa sa mga hinungdan ngano nga gusto niyang sulayan ang iyang swerte sa Senado.
Sa usa ka TikTok livestream niadtong Oktubre 27, si Yllana miingon nga gusto niyang dawaton ang hagit sa pagdagan sa Senado tungod kay matod niya nga nasuya na siya sa mga naglingkod sa Kongreso. Giawhag usab niya ang publiko nga dili mobotar sa mga politiko nga kawatan.
Sa iyang pinakabag-o nga post, gideklara ni Yllana ang iyang suporta sa DDS (die-hard Duterte supporter) ug gipahayag ang iyang suporta kang Bise Presidente Sara Duterte, ingon man ang panawagan nga ipaubos sa house arrest si kanhi Presidente Rodrigo Duterte sa Davao. Naglaom siya nga dawaton siya sa partido ni Duterte.
Gipahibalo pag-usab sa kanhi aktor ug politiko nga modagan man siya o dili, suportahan gihapon niya ang Team Duterte sa 2028. Kahinumduman nga si Anjo adunay kasinatian sa politika isip kanhi konsehal ug bise mayor sa Parañaque City. Niadtong 2024, nidagan usab siya pagka-bise mayor sa Calamba City apan napildi.
Photo Courtesy to:Pep.PH
