Nagpagawas ang ang lokal nga panggamhanan sa Misamis Oriental og direktiba nga class suspension tungod sa intensity 5 nga linog.
Gi suspend ang klasi sa Balingoan, Binuangan, Alubijid, Gitagum, Opol, Salay, Laguindingan, Medina,Sugbongcogon, Jasaan, El Salvador city, Ginoog, Kinoguitan, Tagoloan, Naawan ug Magsaysay MisOr.
Ug sa pakig koordina sa DPWH nakita nga walay na damage nga mga infra ilabina mga hospital sa Claveria, Initao, Talisayan, Magsaysay, Gingoog, OWWA Alubijid, Manitcao ug Balingasag. Naka uli nga luwas ug walay injuries ang mga studyante ug luwas ra usab ang mga pasyente sa mga hospitals.
Sa pikas bahin, Human sa unang hugna sa post-earthquake assessment nga gibuhat sa mga ospital sa syudad sa Cagayan de Oro, gipahigayon usab ang inspeksyon alang sa mga eskwelahan.
Base sa resulta sa gihimong assessment sa Office of the Building Official (OBO), City Engineer’s Office (CEO), ug City Disaster Risk Reduction and Management Department (CDRRMD), adunay pipila ka mga building nga adunay mga liki apan dili kini kritikal.
Bisan pa niana, kinahanglan gihapon kini tagaan ug pagtagad aron malikayan ang peligro. Ang assessment nakatutok sa mga college schools, samtang ang mga high school ug elementarya nga mga building, pampubliko man o pribado, pagasugdan karong adlawa.
Gihangyo usab ang tanan nga magpabiling alerto ug magsusi sa ilang mga balay, ilabina sa mga dingding ug kisame, aron masiguro ang kaluwasan sa pamilya.
Photo courtesy: City Information Office
