Nagtakda sa usa ka panagtabo ang Department of Trade and Industry (DTI) uban sa pipila ka mga manufacturer sa umaabot nga mga adlaw.
Sumala ni Trade Secretary Cristina Roque, hisgutan nila ang hangyo sa mga kompanya nga magpataas ug presyo hangtod 5 porsyento.
Dugang pa sa kalihim, kadaghanan sa mga manufacturer nga naghangyo sa pagtaas mao kadtong nagbaligya ug mga produkto alang sa Noche Buena.
Plano ni Roque nga hangyoon ang mga kompanya nga dili usa magtaas sa presyo, ilabi na human sa mga kalamidad nga nasinati sa nasud.
Sa umaabot usab nga mga adlaw, magpagawas ang DTI ug Noche Buena price list aron mahimong giya sa mga mamalitay.
Photo courtesy to: clipground.com
