Nakakab-ot og 90.69 porsiyento nga evaluation rating ang Magpet Municipal Police Station, sa Unit Performance Evaluation Rating (UPER) 2026, ubos sa kategoryang Class B Municipality. Nagpakita kini sa nahimong performance sa estasyon sa paghatag og serbisyo sa kapulisan ug pagmintinar sa kalinaw ug kahapsay sa komunidad.
Sumala sa Magpet MPS, ang maong kalampusan resulta sa dedikasyon, propesyonalismo ug panaghiusa sa mga personahe sa pagtuman sa ilang mga katungdanan. Gihatagan usab og pag-ila ang pagpangulo ni PCPT Leonardo C. Bariquet Jr., Officer-in-Charge, sa paggiya sa mga personahe aron mapalambo ang ilang serbisyo publiko.
Gilauman nga mahimong inspirasyon sa mga personahe ang maong rating aron ipadayon ang matinud-anon ug episyenteng pagserbisyo sa katawhan. Gipasalig usab sa Magpet MPS, nga ipadayon ang matinud-anon ug episyenteng pagserbisyo sa katawhan, pagpatuman sa balaod, ug pagpahigayon sa mga lakang aron mapanalipdan ang mga residente ug mapadayon ang malinawon ug luwas nga komunidad.
Photo courtesy: PNP Magpet Municipal Police Station
