Nadawat on the spot ang lima ka jobseekers atol sa job fair nga gipahigayon sa City Government of Kidapawan ug Central Mindanao Colleges, uban sa suporta sa Department of Labor and Employment o DOLE XII–Cotabato Field Office, niadtong Oktubre 9 sa CMC Main Campus sa Kidapawan City. Base sa report nga bag-ohay lang gipagawas sa DOLE XII–Cotabato, miabot sa 351 ang mga nagparehistro, diin 182 niini ang kwalipikado, uban sa partisipasyon sa 11 ka lokal nga employers ug pito ka overseas recruitment agencies.
Samtang, 61 ka indibidwal ang nakapahimulos sa One-Stop Shop alang sa mga serbisyo sa SSS, Philippine Statistics Authority, PhilHealth, Department of Migrant Workers ug TESDA. Gimonitor usab sa DMW ang mga overseas recruitment agency aron masiguro ang pagsunod sa mga regulasyon sa pagpangrekrut alang sa trabaho sa gawas sa nasud.
Photo courtesy: DOLE XII–Cotabato Field Office
