Nakapahigayon ang Cotabato Police Provincial Office (CPPO) og tulo ka operasyon batok sa loose firearms sulod sa 24-oras, gikan Oktubre 15 hangtod alas-6 sa buntag sa Oktubre 16, 2026. Base sa report sa kapulisan, usa ka indibidwal ang nadakpan ug usa ka armas ang nakumpiska atol sa maong mga operasyon, samtang duha pa ka armas ang boluntaryong giturn-over ngadto sa mga otoridad.
Kabahin kini sa padayong kampanya sa PNP batok sa mga armas nga wala matugot sa balaod, aron mapalig-on ang kalinaw ug seguridad sa mga komunidad sa Cotabato.
Giduso sa kapulisan ang kooperasyon sa publiko ug ang hustong pagsunod sa mga balaod kalabot sa pagpanag-iya og armas, ilabi na ang pagreport sa mga ilegal nga armas ngadto sa mga otoridad aron malikayan ang posibleng paggamit niini sa krimen ug uban pang kalihokan nga makadaot sa kalinaw sa komunidad.
Photo courtesy: PNP Cotabato Police Provincial Office
