Arestado ang usa ka lalaki sa gipahigayon nga sa anti-drug operation sa Barangay San Jose, Banga, South Cotabato, alas-5:16 sa buntag niadtong Oktubre 16, 2026.
Ang suspek giila sa alyas Roco 48 anyos ug residente sa nasampit nga lugar. Ang operasyon gipangunahan sa South Cotabato Provincial Drug Enforcement Unit, kauban ang South Cotabato 2nd Provincial Mobile Force Company, PDEA-12 ug Banga Municipal Police Station bitbit ang ang Search Warrant nga gi-isyu sa Regional Trial Court Branch 26 sa Surallah South Cotabato may kalabutan sa iligal na Drogas.
Narekober gikan sa suspek ang duha ka plastic sachet nga adunay gituohang shabu nga may kinatibuk-ang gibug-aton nga 3.16 gramos, nga adunay standard drug price nga mokabat sa ₱21,488, lakip ang usa ka itom nga coin purse.
Sa pagkakaron Gipangandam na usab ang kaso batok sa suspek tungod sa giingong paglapas sa Section 11, Article II sa Republic Act No. 9165 o Comprehensive Dangerous Drugs Act of 2002.
